马倩宜，係香港女藝人，本職健身教練，2016年參選ViuTV選美節目《美選D.n.A》入圍最後八強而開始出名。馬倩宜本身係Fitness First健身教練，又喺北愛爾蘭奧斯特大學讀營養學。馬倩宜喺2015年6月「全港健美錦標賽」攞「健體小姐」同「華南健身小姐」雙料冠軍，同年10月又喺「新加坡健美邀請賽」代表香港攞冠軍，所以畀中國香港健美總會提名參選「傑出運動員選舉」。2016年，馬倩宜參選ViuTV選美節目《美選D.n.A》，因為皮膚比較黑同有肌肉線條，而引起觀眾留意。雖然佢入最後八強之後止步，但ViuTV都畀機會佢，喺清談節目《晚吹—男人講嘢》有演出機會。